كل قصااائد الشاعر فيصل العدواني

قصيدة مشكور ماقصرت - فيصل العدواني

قصيدة لاترتبك- فيصل العدواني

قصيدة السهر والنوح - فيصل العدواني



السهر والنوح وحروف القصيد
هم زهابي لنتشى فيك الخيال

إن ضحكت الدمع بعيوني يزيد
وإن سليت الهم لوحلي تعال

وإن غفيت أغفى على جرح جديد
وإن وعيت أشوف قربك لي محال

تاهت الخطوه على الدرب البعيد
والمشاعر همها ذاك السؤال

هو صحيح اللي مضى يرجع يعيد
وترجع أيام المحبه والوصال

ولو صحيح الحب به عبد وسيد
أنت سيدي وانتي عمي والخوال

صاحبي ياقرب من عروق الوريد
خذ حياتي كلها بيدك حلال

والسهر والنوح وحروف القصيد
خلهم للي عشق حلم وخيال

قصيدة بدري حبيبي - فيصل العدواني

بدري حبيبي تعال اجلس هنا اقبالي

ودي أملي عيوني وخاطري بشوفك


أجلس يا دوبك وصار الوقت يهنالي

مدام سمحت لك الأيام وظروفك


ياما وياما سهرت الليل يالغالي

ارسم خيالك وعانق بالهوى طيوفك


واكتب قصايد نثرها الشوق في بالي

وأفرح إذا ما زهاها حرف بالحروفك


تبغى الصراحه .. احبك يا بعد حالي

وعقلي سلبته وقلبي صار ملهوفك


ما يوم والله أطاوع فيك عذالي

لو هم يقولون جروحي بسبت سيوفك


تبرى جروحي وأحس الكون يصفالي

لا صرت يمي وكيفي لامس أكفوفك


بدري حبيبي تعالي وخلك اقبالي

وبالله كمل علي اليوم معروفك

قصيدة الطيش - فيصل العدواني

تدري ان الطيش ملح الحب كله
خص لامن صار ممزوج بحماقه

لوتجرب تدري هرجي في محله
وش خذينا من تصرفنا بلباقه

الجنون احيان يبري الف عله
لو بعدنا العقل وخالفنا سياقه

موضروري نتركه مره ونفله
عالأقل شوي بنضيق نطاقه

كان شفنا الشوك ياسمينه وفله
والهجير امطار سالت بإندفاقه

والحزن فرحه زمان مسفهله
ابتسامة طفل تهدا وسط باقه

خل خوفك هالمسار وحدي ادله
لاتهوجس في عواقب الانزلاقه

انت عزم واترك اطبوع ممله
والطريق اسهود مابه اي اعاقه

هاه وش رايك بعد ماقلت كله
ودك انجرب نطيشها بحماقه

بعدها تحكم كلامي في محله
او نرد انحب غصب في لباقه

قصيدة طالبك حاول - فيصل العدواني

قصيدة كيف مدري - فيصل العدواني

كيف مدري وين وصلت حالتي الله عليم
من بعد ذاك الغرام اللي علي الخافق طرا

ان ركد عقلي وجاشي زارني ذاك اللئيم
هاجس ماقد رحمني وبدد احلوم الكرا

والله اني بعين ربعي رجل مايفنيه ضيم
وقبلهم في عين نفسي مادنت نفسي ورا

لين صرت ابمجلسي مليان يامحمداهيم
ماحيط العلم لو صاحب من اصحابي زرا

كني من صابه بغفله مس شيطان رجيم
لارقدوا خلق الله هجع ودك في ليل وسرا

مايرد لراي عاقل لاولاكلمه فهيم
اعتلى قمة جنونه لين كل به درا

من بعد ماكان راس القوم وبفعاله عديم
صار من يرأف بحاله من تذروبه ذرا

كل من شافه صفق كفيه وقال الله الرحيم
والسؤال نفس الاجابه هو برا لاما برا

والنتيجه ماي مقري وبعض من الذكر الحكيم
قالها من خاف به مطوع عنده قرا

هز رأسه ثم تلفت..كان هالموقف أليم
مالكم الا دعاء الرب رزاق البرا

وهذا انا ياخوك يا محمداوالله العظيم
حالتي تصعب على الكفار باللي بي جرا

كن الموت ارحم ولا استوا حالي سقيم
ارحم بمليون مره ولا ارا هاللي ارا

ماقوى قلبي يتناسى وصار حزني له نديم
كنه مع قلبي قرايب وسط هالحدب اخشرا

ويوم حال الحال دوني كل ما حولي جحيم
تهت انا في سوق بايع لامدري منهو اللي شرا

الوكاد اني ابمصيبه ولاني عن هذا غشيم
ولايفك العوق ربع لا ولا حتى اعشرا

بس مدري وين وصلت حالتي الله العليم
والسبب ذاك الغرام اللي علي الخافق طرا

قصيدة الحداثه - فيصل العدواني


ياوجودي كل ماجا الليل وانسام البراد

لحظه وقف لاتكمل لاتقول ولاتعيد

الشعر هذا تخلف راح مع عصر الرماد

وانت جاي اليوم تفتح باب ملغي من جديد

انفض افكارك تطور واترك الجهل المباد

يعني افهم وش بقوله باختصار لك مفيد

تدري وش معنى الحداثه ان تكون الكاف صاد

ان يكون المعنى مبهم يخلو من شي مفيد

قلت فكره باقتنصها ببتدي في حرف ضاد

ليه مدري ضاد لكن حرف ع الساحه جديد

ضرس دفتر نار عايد كوخ اكبر من بلاد

شر وارد عود جاحد هرن مزعج له وقيد

شي مدري فوق مدري روح تخرج من جماد

شمس شارع ليل خيزه يالربع هذا قصيد

هيه ياللي تتهمني بالتخلف والعناد

والله ياتهمتك هذي كنها بشرات عيد

لعنبو غيرك تمعن وناظر بنظره حياد

والله مايقبل قصيدك لا هبيل ولا بليد

قلبوها شقلبوها عرضوها للحماد

يامسطرة الحداثه حلو عن راسي بعيد

ابعدو عني بهيجن واتوجد والقناد

ريحه ذاد توارا سلسله لاعذب نشيد

وانت ياغرو تمكن من حشاشات الفؤاد

لين صار القلب عبدك وانت له عم و سيد

هذا وانت بالعمر توك ماتجاوزت الرشاد

كيف لاكبرت سنينك والمكرعندك يزيد

من دلع حتى وبيك بس تناديله ياداد

لادمعت عينك رهن بيته وفرلك رصيد

ولا انا من جيت للدنيا ومن بعد المهاد

صاحت عجوزي قم ياجعلك ماتفيد

ماسهرت عينك وجفنك ماعرف طعم السهاد

مترف ربي بسطلك كل مابالك يريد

ان مشى اقعد اتم تم هاد هاد هاد هاد

من غنجك حتى خطاتك كنها وسط قيد

باب بيتك لو تعبره صاحلك ارحم ياواد

والشبابيك اتهامس هو كذا طبعه عنيد

لب عينك ولب خدك ولب مزقول السواد

ولب عناب يضم الشهد وحبات الجليد

تدري ايدي لو تلامس بشرتك تدمى وكاد

لان ايدك انت ايد وايدي انا ماهي ايد

هو كذا ربي فرقنا بس جمعنا بالمراد

يعني اعشق شوف طرفك وانت مثلي ذا اكيد

طاغي فيك بصفاتك زينك رب العباد

حلم واصبحلي حقيقه دون كالعالم زهيد

كل من مر ونظرنا جالسين بانفراد

قام يشر في بنانه هاهو الشخص السعيد

اعشقك والعشق يذبح وانت بيديك الزناد

ان بغيت تدمرلي حالي وان بغيت احيا رغيد

وياوجودي كل ماجا الليل وانسام البراد

وقد من شافك ولا له غير نظره من بعيد

قصيدة نرجسية - فيصل العدواني

نرجسيه..نرجسيه..أذكر انها نرجسيه
كلمة مطلع قصيدة راودتني من زمان

كنت ابي اكتبها ولكن عيت ظروفي عليه
والزمان أيضا حداني و بهدها كان اللي كان

نرجسيه ياعلي بنت تمادت بالخطيه
أسرفت في حالي حتى عفتها يابورزان

بعثرت عمري شظايا بين ذيك و بين ذيه
ولا قويت أجمع شتات العمر وأطراف الحنان

أذكر إني كنت اهوجس في غلا هالأدميه
وأحسب للحزة لقاها هالدقايق و هالثوان

وأذكر اني كنت اشكك في وجود الجاذبيه
وأتساءل ليه أطير إليا دعتني في مكان

وكنت أظن ان النهار اليا ظهر ثم بان ضيه
إستمد النور منها ثم خذى منها ضمان

والضمان أنها تصون السر عن كل البريه
ماتخبر به قريب ولا يسولف به لسان

جادل ربي حباها في ملامح يوسفيه
عنق ولإ خسر والإ ..يادخيل المستعان

إن تهادت في خطاها تسلب العقل برويه
وإن تثنت شحت كفي وش بقى للخيزران

وإذغ انتثر مجدولها اللي حشى ماشفت زيه
فاح ريح العود وإلا هو عبير القحوان

من نظرها كنه اللي ماحسب طعنة خويه
ولا له إلا لابتسم ثغرها عض البنان

لو نظرها ابن الملوح عاف ليلى العامريه
يختلف طرقه و نهجه وتصبح العشره ثمان

يترك الشعر المقفى و الحروف الابجديه
او يهيجن هيجنة بدو لهم عزه وشان

أشهد انها من عذابي ياعلي ماهي بريه
قلبها قاسي و نادر ما تمايلي و لان

عرضتني للهجير و قالت أمشيلم بفيه
واتركتني للسهاد ولوعة أصفاد الهوان

واستباحت كل عرق من عروقي و الضحيه
حبنا اللي من سواها ماصفا مرة وزان

عنجهيه و نرجسيه.. نرجسيه و عنجهيه
حلها وشلون مادري!!طالبك يابو رزان

قصيدة خلها على الله ماهي أول خساره - فيصل العدواني



خلها على الله ماهي أول خساره
وياقلبي إصبر يمكن تكون خيره

إن كان ماوده يجي بإختياره
اللي خلقه الله خلق ناس غيره

ليته عرف هالبعد وشلون ناره
ماكان عندي يبعد ويروح ديره

الشوق بعثرني وطال إنتظاره
يعني خلاص الحب هذا مصيره

فواز عطني من باكيتك زقاره
وخدر لي الشاهي وخليه شيره

بجر صوت ماجلبته الحضاره
ميراث شايب ماختلف في مسيره

بعض الشعر يقثع عليك المراره
وبعضه يداوي كل نفس كسيره

وانا لعبت القاف وأربكت كاره
لكن عفته يوم حاسوا مريره

من صاروا الشعار نوره وساره
وسيمون اسمر هو يقود المسيره

بكره يصير الشعر رهن استعاره
يعني تقبل لو تهيجن شكيره

النفس طابت يوم كشف الستاره
يوم الكبيره تستوي بالصغيره

وادركت مافال جو ياكود فاره
استتبع الماخوذ ثم صار زيره

ودام انها ساحة لوي واستداره
بشوم عنها وياعساها سفيره

بطران لا والله شيخ البطاره
واعز نفسي عن نفوس حقيره

وعزاي بالعطار ورثه عطاره
واللي خدم مهما وصل تبع اميره

بنهي انا الموضوع وش لي بعاره
وارد للي ماتأنب ضميره

خل ظلمني ماعدلني بقراره
هو سبت احزاني وقلبي اسيره

اقفى ولادري وين صارت دياره
والمشكله ماعاد لي معه سيره

قامت تعذر جيته والزياره
وانا جروحي من بعاده خطيره

اومى بكفه وابتسملي بحقاره
وعرفت ريح المسك من نفخ كيره

هو يحسب ان الغدر فن وشطاره
بس مادرى ماطار بالحب طيره

فواز وينك ماتمد الزقاره
لي حروة الساعه ابيلي تعميره

يمكن مع الدخان تطخ الحراره
خص اذا شاهيك ياخوك شيره

وخلها علي الله ماهي اول خساره
واللي خلقه الله خلق ناس غيره

قصيدة ودى أجيلك - فيصل العدواني

قصيدة على كف القدر والحب ظامي - فيصل العدواني



على كف القدر والحب ظامي والرجا حيران
على كف الزمن ضاعت سنيني مع لياليها

تضيع بداخلي بسمه ويظهر للشقا عنوان
واذا بانت بوادرها عذاب الهجر يخفيها

واحس ان الجفا يمشي بدمي داخل الشريان
يعذبني..يسهرني..ليالي مر حاليها

عجزت ولابقابي حيل وانفاس الوصل هجران
تعبت اسأل ليال الصمت جروحي كيف أواديها؟

تجاوبني ليال الصمت وتحرق قلبي الهيمان
تقول:شموع امالك حلفت اني لطفيها

مدام انك على دربي ابعطيك العذاب الوان
وازيد جراحك بصدرك ولا لك من يشافيها

ياليت اقوى ولو لحظه اسلي خاطري بنسيان
الم جروحي واهاتي من الدنيا وبلاويها

نخيتك يامل ضايع نخيتك تطوي الحرمان
نخيتك ترسم الفرحه على حزني وترضيها

والا يالله يارازق عبادك يارفيع الشان
تفرح قلبي الملهوف قبل ماروح تنهيها

قصيدة لا تعاتبني دخيلك انتهى وقت العتاب - فيصل العدواني

لا تعاتبني دخيلك انتهى وقت العتاب
دام ما للحب قيمه ويش له نعيد ونزيد

ودامك اللي للخطايا مشرع عشرين باب
العتب ما ظن يقدم لا ولا حتى يفيد

من هويتك وكني الظامي ويتبع له سراب
لا اقترب يمه تلاشى وابتعد عنه بعيد

حاير تاه بدروبك ولا نقل غير الصواب
كم نزفه الشوق لجلك وللأسف قلبك جليد

وكم تعثر به سؤالي ولا لقى منك جواب
غير جورك والتجني ما جنى شي جديد

اشهد ان الحب كافر وأكثر أيامه عذاب
لا غدى منهو تحبه قاسي رايه عنيد

وعشرة فيها مذله يا عساها للذهاب
ليتها تفنى وتبقى عزة عيت تبيد

لجل لو حتى طرى لي وصلكم قلت الغياب
ولا اعتزمت إلا رحيلي والشديد

بتركك يا حب عيا ينجلي عنه الضباب
أيه نعم هذا قراري وانتهى قدرك أكيد

وكان قصدك في مجيك تفتح أبواب العتاب
أنصحك وفر كلامك لا تعيد ولا تزيد

قصيدة قروض - فيصل العدواني

وهذه القصيده تتكلم عن المشكله
التي تكلم عنها المجلس الامه ألا وهي القروض



الليله الليه نبي نفتح الباب
يعني بسولف واكثر الناس دارين

سوالف علمو بها اقراب واجناب
ماهي سياسه يعني بين بينين

دامي بديرة عدل ماني بمرتاب
والشكر للي رابط الحكم بالدين

ولا يقطع الارقاب سوا رب ما غاب
اللي خلق لي عين و من هالجهة عين

حنا إبتلشنا بين صادق وكذاب
وإشاعه تمشي ولا ادري على وين

ضعنا وتهنا بين مجلس ونواب
مابين طاح الدين وماطاح هالدين

عضو يهدي وعضو منهد طلاب
هذاك طيب وهذا والله مليعين

وعضو يهدد والهدف كسب الاعجاب
وعضو محبة ديرته بين قوسين

والا الحكومه لنسبت وسط هالناب
حلت وزارة مالها كود شهرين

والدعوه ضاعت بين صيحات وسباب
وحنا انفقرنا ولا جنينا ملايين

هم المواطن بس تكسير الحساب
والقسط يذبح لا وصل حد تسعين

فهد يبي لعبه و شيمه تبي كتاب
و هلآ طولت وقصرن الفساتين

والراتب الماخوذ عشرة الشهر ذاب
طار وتبخر ما بقى منه قرشين

غير العنا تزاحمت ذيك الاسباب
حوايج خلت لها البال بالين

وشفيها يعني لفتحو كم دولاب
من خزنة الدوله وعسى ربنا يعين

حنا أحق من الاجانب والاغراب
والشعب طيب وانتو أصل الكريمين

بس بصراحه لو شعر عارضي شاب
هذا البلد عندي بكل البلادين

فيه بركة والخير به حيل جذاب
والطيبه بأهله ما تبدل بثنتين

يالله طلبتك وانت لي خير طلاب
تحفظ بلدنا ورددوا بقول آمين

ولا جيت يم الحق محتاج لإعراب
بقول انا الزبده وابي تسمعوا زين

حنا عشقنا كويتنا سيف وتراب
من قبل يظهر نفطها والبلايين

وآل صبآح من دونهم ترخص ارقاب
سآكن غلاهم دمنا والشرايين

واذا فتحنا باب بنسكر ابواب
والشعر احرف ويتدون عناوين

وهذي سوالف قالها اقراب واجناب
ماهي سياسه يعني ما بين بينين

يا من صاح الورد بشذاك ، وعطرت أركان مناك

اشكر واهدي لك باقة من الامنيات والاماني ،

فبارك الله لك جهودك وسدد بالخير والعطاء دربك
واتمنى ان نرى ابداعتك وابداعات الاعضاء الاخرين وشكرا